(សហរដ្ឋអាមេរិក)៖ អង្គបោះឆ្នោត នៅថ្ងៃច័ន្ទ (វេលានៅសហរដ្ឋអាមេរិក) បានបោះឆ្នោតជ្រើសរើសលោកJoe Biden មកពីគណបក្ស​ប្រជាធិបតេយ្យ ជា​ប្រធានាធិបតីទី៤៦​របស់​សហរដ្ឋអាមេរិក។ នេះបើយោងតាមការចុះផ្សាយរបស់សារព័ត៌មាន CNA នៅថ្ងៃទី១៥ ខែធ្នូ ឆ្នាំ២០២០។

លោក Biden ទទួល​បាន​អង្គបោះឆ្នោត​សរុប​ចំនួន ៣០៦ ដែលជាជ័យជម្នះមួយព្រោះបេក្ខជន​ប្រធានាធិបតីម្នាក់​ត្រូវ​ការ​អង្គបោះឆ្នោត​ចំនួន​ ២៧០ ដើម្បី​ឈ្នះ​។

នៅព្រឹកថ្ងៃដដែល អង្គបោះឆ្នោតក្នុងរដ្ឋ Swing states ដែលមាន Arizona, Georgia, Michigan, Nevada, Pennsylvania និង Wisconsin ក៏បានបោះឆ្នោតអោយលោក Biden ដែលនឹងចូលកាន់តំណែងជាផ្លូវការនៅថ្ងៃទី២០ ខែមករា ឆ្នាំ២០២១ ខាងមុខ៕