(ភ្នំពេញ)៖ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានឲ្យដឹងនៅថ្ងៃទី១៤ ខែវិច្ឆិកា ឆ្នាំ២០២០នេះថា លទ្ធផលនៃការធ្វើតេស្តជាលើកទី៣ គឺអវិជ្ជមានកូវីដ-១៩។

ឯកឧត្តមបានបញ្ជាក់ថា «សួស្តី សហសេវិក សហការី មិត្តភក្តិ បងប្អូនទាំងអស់ ដូចគ្នានឹងលទ្ធផលនៃការធ្វើតេស្តជូនសម្តេចតេជោនិងក្រុមគ្រួសារសម្តេចដែរ ខាងខ្ញុំឯណេះក៏បានលទ្ធផលអវិជ្ជមានទាំងអស់គ្នាដែរ។ ខ្ញុំសូមអរគុណដ៏ស្មោះដល់ក្រុមគ្រូពេទ្យដែលបានយកចិត្តទុកដាក់ខ្ពស់ដល់ការធ្វើតេស្ត ផ្តល់ដំបូន្មានល្អ និងតាមដានសុខភាពក្រុមគ្រួសារខ្ញុំ និងខ្ញុំ ក៏ដូចជាសុខភាពមន្ត្រី បុគ្គលិក ក្នុងក្រសួងការបរទេសផង។ សូមជូនពរដល់អ្នកទាំងឡាយដែលកំពុងសំរាកព្យាបាល សូមឆាប់ជាសះស្បើយទាំងអស់គ្នា»៕