(សហរដ្ឋអាមេរិក)៖ ប្រធានាធិបតីសហរដ្ឋអាមេរិកលោក ដូណាល់ ត្រាំ បានជិះរថយន្តចេញក្រៅមជ្ឈមណ្ឌលវេជ្ជសាស្ត្រយោធាជាតិ Walter Reed នៅជាយក្រុង Washington នៃតំបន់ Bethesda រដ្ឋ Maryland ដែលជាកន្លែងដែលលោកកំពុងទទួលការព្យាបាលជំងឺ COVID-19 មួយរយៈពេលខ្លី ដើម្បីជួបអ្នកក្រុមអ្នកគាំទ្រលោកបានមកប្រមូលផ្តុំ នៅខាងក្រៅមន្ទីរពេទ្យនេះ។ នេះបើយោងតាមការចុះផ្សាយរបស់ទូរទស្សន៍ CNN នៅថ្ងៃទី០៥ ខែតុលា ឆ្នាំ២០២០។
លោក ត្រាំ ត្រូវបានគេថតវីដេអូរាដៃពីកៅអីផ្នែកខាងក្រោយរថយន្តប្រភេទ SUV ពណ៌ខ្មៅកាលពីល្ងាចថ្ងៃអាទិត្យដោយពាក់ម៉ាស់ ខណៈហ្វូងមនុស្សបានអបអរ និងក្រវីទង់ជាតិអាមេរិក និងបដាដែលគាំទ្រលោក Trump នៅខាងក្រៅមជ្ឈមណ្ឌលវេជ្ជសាស្ត្រយោធា។ ទង្វើរបស់លោកប្រធានាធិបតីបែបនេះ បានបង្កឱ្យមានការរិះគន់ពីសំណាក់សហគមន៍វេជ្ជសាស្រ្ត ដោយពួកគេចាត់ទុកថា លោក ត្រាំ កំពុងតែធ្វើឱ្យអ្នកដទៃមានគ្រោះថ្នាក់
លោកបានរំលោភលើគោលការណ៍ណែនាំ ដែលតម្រូវឱ្យអ្នកជំងឺញែកខ្លួនចេញពីសហគមន៍ ខណៈដែលកំពុងតែទទួលការព្យាបាល ព្រោះវាអាចនឹងចម្លងរោគទៅអ្នកដទៃបាន៕
