(កំពង់ធំ)៖ អង្គការជីវិតសត្វស្លាបអន្តរជាតិប្រចាំកម្ពុជា-BirdLife International Cambodia Programme នៅថ្ងៃទី៣១ ខែតុលានេះ បានបង្ហាញលទ្ធផលអង្កេតតាមដានជីវៈចម្រុះនាត្រីមាសទី៣ឆ្នាំ២០២០តំបន់រ៉ាមសារស្ទឹងសែន ខេត្តកំពង់ធំ​។ សកម្មភាពនេះត្រូវបានអនុវត្តដោយឧទ្យានុរក្សជាទៀងទាត់ ដោយផ្អែកលើពិធីសារនៃការគ្រប់គ្រង និងតាមដានជីវៈចម្រុះតំបន់រ៉ាមសារនេះ។ 

បើតាមអង្គការជីវិតសត្វស្លាបអន្តរជាតិ យោងលើទិន្នន័យកត់ត្រារបស់ឧទ្យានុរក្សក្នុងត្រីមាសទី៣នេះឃើញថា វត្តមានប្រភេទសត្វកម្ររមួយចំនួនរួមមាន៖ អកត្រីក្បាលប្រផេះ ទុងប្រផេះ ចង្កៀលខ្យង និងស្វាព្រាម ដោយឡែកចំនួនរបស់ឃើញថា មានចំនួនច្រើនបើធៀបទៅនឹងទិន្នន័យក្នុងឆ្នាំ២០១៩ ក្នុងរយៈពេលដូចគ្នា។ សកម្មភាពល្បាត និងតាមដានជីវចម្រុះនេះគាំទ្រដោយ គម្រោង Ramsar Small Grant តាមរយអង្គការBirdLife និង CEPF តាមរយៈអង្គការ NatureLife៕