(កូរ៉េខាងត្បូង)៖ ស្ថានទូតកម្ពុជាបានចូលរួមតាមលទ្ធភាពដែលមានកំណត់ក្នុងការបង្ហាញជូនធុរជននូវសក្តានុពលសេដ្ឋកិច្ច វិនិយោគ ពាណិជ្ជកម្មរបស់ប្រទេសកម្ពុជា។

នៅថ្ងៃទី១៣-១៤ ខែតុលា ឆ្នាំ២០២០ ក្រុមការងារផ្នែកពាណិជ្ជកម្មរបស់ស្ថានទូតកម្ពុជា ដឹកនាំដោយឯកឧត្តម ឡុង ឌីម៉ង់ ឯកអគ្គរាជទូតកម្ពុជា បានចូលរួមតាំងពិពណ៌មុខទំនិញផលិតផលរបស់កម្ពុជា និងធ្វើបទអន្ដរាគមន៍ស្ដីពីសក្ដានុពល លក្ខខណ្ឌអំណោយផល និងឱកាសវិនិយោគនៅកម្ពុជា ដែលមានការគាំទ្រ និងបង្កលក្ខណៈពេញទំហឹងពីរាជរដ្ឋាភិបាលកម្ពុជា ក្នុងកម្មវិធីសប្តាហ៍ធុរកិច្ចកូរ៉េ-អាស៊ាន និងឥណ្ឌា 2020 ។

សប្តាហ៍ធុរកិច្ចកូរ៉េ-អាស៊ាន និងឥណ្ឌា 2020 នឹងក្លាយទៅជាទីកន្លែងផ្លាស់ប្ដូរពាណិជ្ជកម្មរវាងកូរ៉េ និងបណ្ដាប្រទេសដែលស្ថិតនៅក្នុងកម្មវត្ថុនៃគោលនយោបាយថ្មីទិសខាងត្បូងរបស់លោកប្រធានាធិបតី មូន ជេអ៊ីន។

ក្នុងសប្តាហ៍នេះវេទិកាធុរកិច្ចឈ្នះឈ្នះនិងផ្ដល់នូវឱកាសក្នុងការធ្វើកិច្ចសហប្រតិបត្តិការលើវិស័យពាណិជ្ជកម្ម ដើម្បីស្ដាសេដ្ឋកិច្ចឡើងវិញទាំងក្នុងអំឡុងនិងក្រោយសម័យកូវីដ។