(វ៉ាស៊ីនតោន)៖ យោងតាមការចុះផ្សាយរបស់សារព័ត៌មានរ៉យទ័របានចុះផ្សាយនៅព្រឹកថ្ងៃទី១៤ ខែធ្នូ ឆ្នាំ២០២០ ប្រធានាធិបតីអាមេរិកលោក ដូណាល់ ត្រាំ , អនុប្រធានាធិបតីលោក Mike Pence រួមទាំងមន្ត្រីកំពូលៗ ឯទៀត នឹងទទួលបានវ៉ាក់សាំងកូវីដ-១៩ ដែលទើបតែបានអនុម័តថ្មីៗនេះ។

ប្រភពដដែលបានឱ្យដឹងថាបុគ្គលិកនៅសេតវិមាន និងមន្ត្រីមួយចំនួននឹងត្រូវទទួលវ៉ាក់សាំងក្នុងរយៈពេល ១០ថ្ងៃខាងមុខ។ ទោះជាយ៉ាងណាក៏ដោយវាមិនទាន់ច្បាស់ទេថាតើលោក ត្រាំ នឹងព្រមទទួលការចាក់វ៉ាក់សាំងឬអត់។

សូមជម្រាបថាវ៉ាក់សាំងកូវីដ-១៩ របស់ក្រុមហ៊ុន Pfizer/BioNTech ប្រមាណជា៣លានដូស កំពុងត្រូវបានចែកចាយទូទាំងរដ្ឋនៅក្នុងសហរដ្ឋអាមេរិកនៅថ្ងៃអាទិត្យនេះ ក្រោយរដ្ឋបាលចំណីអាហារនិងឪសថអាមេរិក (FDA) បានអនុម័តជាផ្លូវការ ស្របពេលដែលកូវីដ-១៩បានសម្លាប់ពលរដ្ឋអាមេរិកជិត៣០ម៉ឺននាក់៕