(ភ្នំពេញ)៖ គណបក្សសម្ព័ន្ធដើម្បីប្រជាធិបតេយ្យ (LDP) បានតែងតាំងលោក អ៊ី សាំងឡេង ជាអ្នកនាំពាក្យរបស់​គណ​បក្ស បន្ថែមលើតួនាទីជាអនុប្រធានគណ​បក្ស ដើម្បីទទួលភារកិច្ចឆ្លើយតបនឹងសំណួរពីស្ថាប័ននានា និងទ​ទួ​ល​ភារកិច្ចទំនាក់ទំនងជាមួយស្ថាប័នជាតិ អន្តរជាតិ និងស្ថាប័នសារព័ត៌មានផងដែរ។

សូមជម្រាប ថា នៅរសៀលថ្ងៃទី៧ ខែធ្នូ ឆ្នាំ២០២០កន្លងទៅនេះ គ.ជ.ប បានដាក់ពាក្យប្តឹងលោកអ៊ី សំាងឡេង អនុប្រធានគណបក្សសម្ព័ន្ធដើម្បីប្រជាធិប​តេយ្យ ទៅកាន់សាលាដំបូងរាជធានីភ្នំពេញ។ មូលហេតុនៃការប្តឹងដោយ​សារតែលោកអ៊ី សំាងឡេង បានបរិហារកេរិ៍្តឈ្មោះ កិត្តិយស និងសេចក្តីថ្លៃថ្នូររបស់ស្ថាប័ន គ.ជ.ប ថា«ច្បាស់ណាស់ គ.ជ.ប មួយនេះគឺជាចោរ! គឺជាចោរបំផ្លាញជាតិរបស់ពួកយើងដ៏អាក្រក់បំផុត! គឺពួកគេនេះហើយ ជាអ្នកអនុវត្តផែនការចុះឈ្មោះមនុស្សដោយខុសច្បាប់ ដើម្បីធានាថាបរទេសនៅតែអាចត្រួតត្រាខ្មែរបាននោះ! ភស្តុតាងនេះវាច្បាស់ជាងថ្ងៃទៅទៀត។ ខ្ញុំថាពួកគេគឺជាចោរបែបនេះ ចាំមើលគេមានអ្វីយកមកបដិសេធទៀតមើល!»៕