(ភ្នំពេញ)៖ សិក្ខាសាលាអនឡាញ ស្តីពី សន្តិសុខបណ្តាញអ៊ីនធើណេត និងព័ត៌មាន នៅថ្ងៃទី២៧ ខែវិច្ឆិកា ឆ្នាំ២០២០នេះ បានបង្ហាញពីបច្ចុប្បន្នភាពសេវាអ៊ីធឺ​ណេត​ក្នុងប្រទេសកម្ពុជា។

បើតាមរបាយការណ៍ សម្រាប់ប្រទេសកម្ពុជាបច្ចុប្បន្ននេះ តួលេខនៃការប្រើប្រាស់អ៊ីធើណេត និងបណ្តាញសង្គមគឺស្មើនឹង ៦០ភាគរយ ចំណែកការប្រើប្រាស់សេវាទូរស័ព្ទស្មើនឹង ១៣២ភាគរយ នៃចំនួនប្រជាជនកម្ពុជាសរុបប្រមាណ ១៦,៦លាននាក់។

របាយការណ៍ដដែលបានឲ្យដឹងថា អ្នកប្រើប្រាស់អ៊ីធឺណេត មានប្រមាណ ៩,៧លាននាក់ នៅឆ្នាំ២០២០ ពោលកើនឡើង១,៣លាននាក់ ស្មើនឹង ១៥ភាគរយ បៀប​ធៀបឆ្នាំ២០១៩។ រីឯអ្នកប្រើប្រាស់បណ្តាញសង្គម មានប្រមាណ ៩,៧លាននាក់ នៅឆ្នាំ២០២០ ពោលកើនឡើង១,៤លាននាក់ ស្មើនឹង១៧ភាគរយ បៀប​ធៀបឆ្នាំ២០១៩។ ដោយឡែក អ្នកប្រើប្រាស់សេវាទូរស័ព្ទមានប្រមាណ ២១,២៤លាននាក់ នៅឆ្នាំ២០២០ ពោលកើនឡើង ៧៦ ៥០០នាក់ ស្មើនឹង ៣,៧ភាគ​រយ បៀបធៀបឆ្នាំ២០១៩៕