(ភ្នំពេញ)៖ គឺនៅថ្ងៃទី២៥ ខែវិច្ឆិកានេះ មេធាវីបក្សប្រឆាំង លោក សំ សុគង់ បានសរសេរលិខិតមួយច្បាប់ ទាមទារ​ឲ្យ​វិទ្យុអាស៊ីសេរី ផ្សាយកែតម្រូវ​ចំពោះការស្រង់សម្តីរបស់លោកមេធាវី ខុស​ពីអ្វីដែល​លោក បាននិយាយ។ ចំណែក​លិខិតមួយច្បាប់ទៀត គឺ​លោកមេធាវី លី ច័ន្ទតុលា ប្រធានគណៈមេធាវីនៃព្រះរាជាណាចក្រ​កម្ពុជា ក៏បានចេញលិខិតប្រកាសព័ត៌មាន​ ស្តីពី ការតែងតាំង​មេធាវីការពារជនជាប់ចោទ។ នោះគឺ​ការផ្សាយរបស់វិទ្យុអាស៊ីសេរី ដែលថា គណៈមេធាវី បានផ្តល់មេធាវី​ ការពារក្តី​ឲ្យជនជាប់ចោទជាអតីតមេដឹកនាំបក្សប្រឆាំង តែ ២ថ្ងៃប៉ុណ្ណោះ មុនថ្ងៃ​បើកសវនាការ​។ តែតាមពិត គណៈមេធាវី​ បញ្ជាក់ថា ការតែងតាំង​មេធាវី​ការពារជនជាប់ចោទតាមការស្នើសុំ​របស់​ប្រធានតុលាការសាលាដំបូងនេះ ធ្វើឡើង តាំងពីថ្ងៃទី៤ ខែវិច្ឆិកា ឆ្នាំ២០២០ មកម្លេះ​។