(ភ្នំពេញ)៖ ថ្មីៗនេះ កុមារី​ យ៉ង់ ស្រីនីត ដែលមានសម្បូរខ្មៅស្រអែម រស់នៅខេត្តមណ្ឌលគិរី មានសមត្ថភាពច្រៀងបានយ៉ាងពិរោះរណ្តំ នៅថ្ងៃទី២០ ខែវិច្ឆិកា ឆ្នាំ២០២០នេះ ប្អូនស្រីបានមកដល់ទីក្រុងភ្នំពេញ ដើម្បី​ថត​ខ្សែភាពយន្ត​ជាមួយ​នាយ​ ពែក មី​។

យោងតាមការបង្ហោះរបស់នាយ ពែក មី នៅលើហ្វេសប៊ុកផេក ប្អូនស្រី យ៉ង់ ស្រីនីត បានចាប់ផ្តើមថតជាមួយនឹងក្រុមការងារនាយ ពែក មីហើយនៅថ្ងៃនេះ ដោយនាយ ពែកមី បានសរសេររៀបរាប់ថា៖ «ស្រីនីតមកដល់ហេីយ​ផ្ទះខ្ញុំហេីយ យប់នេះគេងជាមួយកូនស្រីខ្ញុំ​ នាងមិនសូវមានខោអាវល្អរស្លៀកទេ​ គាត់ចង់រៀននៅភ្នំពេញ​ បងប្អូនណាស្រលាញ់អាណិតស្រីនីត​ ចង់ជួយនាង​ ខលមកខ្ញុំបាន​ 015300007»។

សូមរំលឹកថាយ៉ង់ ស្រីនីត អាយុ១១ឆ្នាំ ជាសិស្សថ្នាក់ទី៥ ហើយទៅថ្ងៃអនាគតប្អូនស្រីចង់ក្លាយជា គ្រូបង្រៀន និងតារាចម្រៀង ប្អូនស្រីត្រូវបានបងប្អូននៅតាមបណ្តាញសង្គមសម្តែងក្តីអាណិតអាសូរ ព្រមទាំងបានកោតសរសើរនូវរូបសម្រស់របស់ប្អូនស្រីជាខ្លាំង និងបានជូនពរឱ្យក្តីស្រមៃរបស់ ស្រីនីត ក្លាយជាការពិត៕