(ភ្នំពេញ)៖ នៅថ្ងៃទី២៣ ខែតុលា ឆ្នាំ២០២០នេះ គឺជាថ្ងៃប្រវត្តិសាស្ត្រមួយក្នុងប្រវត្តិទំនាក់ទំនងទំនាក់ទំនងកម្ពុជា-ចិន ប្រមាណ១ពាន់ឆ្នាំមកនេះ ដែលរាជបណ្ឌិត្យសភាកម្ពុជាបានបើកការបណ្ដុះបណ្ដាលគរុកោសល្យជាន់ខ្ពស់ភាសាចិននៅកម្ពុជា។ ដូច្នេះរាជបណ្ឌិត្យសភាកម្ពុជា គឺជាអ្នកបើកទំព័រប្រវត្តិសាស្ត្រក្នុងទំនាក់ទំនងកម្ពុជា-ចិន លើវិស័យកិច្ចសហប្រតិបត្តិការបណ្ដុះបណ្ដាលគរុកោសល្យជាន់ខ្ពស់ភាសាចិននេះ។ នេះបើតាមការលើកឡើងរបស់ឯកឧត្តម សុខ ទូច ប្រធានរាជបណ្ឌិត្យសភាកម្ពុជា។

សូមជម្រាបថា ​រាជបណ្ឌិត្យសភាកម្ពុជា នៅថ្ងៃទី២៣ ខែតុលានេះ បានបើកកិច្ចពិភាក្សាតុមូលស្តីពីការបណ្តុះបណ្តាលជំនាញគរុកោសល្យភាសាចិន។ គោល​បំណងសំខាន់នៃកម្មវិធីបណ្តុះបណ្តាលនេះ គឺ១. ដើម្បីកសាងសមត្ថភាពគ្រូបង្រៀនភាសាចិន ប្រកបដោយគុណភាព និងគរុកោសល្យខ្ពស់ស្របតាមស្តង់ដារអន្តរជាតិ ២. ពង្រឹង និងពង្រីការបណ្តុះបណ្តាលភាសាចិនគ្រប់កម្រិត ដើម្បីបំពេញសេចក្តីត្រូវការរបស់កម្ពុជា និងក្នុងតំបន់ស្របតាមគោលការណ៍ ផ្លូវមួយ ខ្សែក្រវ៉ាត់មួយ ៣. ជាស្ពានភាសា និងវប្បធម៌រវាងប្រជាជាតិទាំងពីរ និង.ដើម្បីជំរុញឲ្យភាសាចិនក្លាយទៅជាភាសាទី៣ ក្នុងប្រទេសកម្ពុជា៕