(សៀមរាប)៖ លោក លី សំរិទ្ធ អភិបាលរង នៃគណៈអភិបាលខេត្ត តំណាងឯកឧត្តម ទៀ សីហា អភិបាលខេត្ត អញ្ជើញចូលរួមក្នុងកម្មវិធីបិទវគ្គបំប៉ន កងកម្លាំង​អន្តរាគមន៍ នៃស្នងការដ្ឋាននគរបាលខេត្ត ស្តីពី ការទប់ទល់ ប្រឆាងបាតុកម្ម កុបកម្ម កាទប់ទល់ប្រឆាំងភេរវកម្ម និងការចាប់ខ្លួនបែប VIP នៅស្នងការដ្ឋាននគរបាលខេត្ត។ នេះបើតាមការឲ្យដឹងពីរដ្ឋបាលខេត្តសៀមរាប កាលពីថ្ងៃទី១៧ ខែតុលា។ 

រដ្ឋបាលខេត្តសៀមរាប បានបន្តថា ក្រោយពីស្តាប់របាយការណ៍របស់ លោក ស្នងការនគរបាលខេត្ត និងការធ្វើសមយុទ្ធរបស់កងកម្លាំងដែលទើបនឹងបញ្ចប់វគ្គបំប៉ននេះ លោក លី សំរិទ្ធ អភិបាលរងខេត្ត បានកោតសសើរ និងវាយតម្លៃខ្ពស់ ចំពោះកងកម្លាំងទាំង១៣៥រូប ដែលបានខិតខំបំពេញភារកិច្ច ចូលរួមបំប៉នសមត្ថភាពក្នុងការការរក្សាសន្តិសុខ សុវត្ថិភាព សណ្តាប់ធ្នាប់សាធារណៈ និងរបៀបរៀបរយសាធារណៈ តាមយរៈការតម្រង់ទិសរបស់អគ្គស្នងការដ្ឋាននគរបាលជាតិ ដោយមានការចង្អុលបង្ហាញពី លោកស្នងការនគរបាលខេត្ត ដែលបានបំប៉នរយៈពេល១៤ថ្ងៃនេះឲ្យទទួលបានជោគជ័យតាមការគ្រោងទុក៕