​(ភ្នំពេញ)៖ សហភាពសហព័ន្ធយុវជនកម្ពុជា (ស.ស.យ.ក.) នៅថ្ងៃទី១ ខែធ្នូនេះ បានបង្ហាញពីស្មារតីនៃការរួបរួមគ្នារបស់ក្រុមគ្រួសារ ស.ស.យ.ក. ឆ្ពោះទៅកាន់ខួបអនុស្សាវរីយ៍លើកទី៤២ ថ្ងៃកំណើតសហភាពសហព័ន្ធយុវជនកម្ពុជា។ ការរួមគ្នានេះគឺជាការបន្តចេញមកពីស្មារតី២ធ្នូ ដែលជាការរួបរួមគ្នា សាមគ្គីគ្នា នៅគ្រប់កាលៈទេសៈដែលប្រទេសជាតិបានឆ្លងកាត់ និងជាពិសេសការរួមគ្នាប្រឆាំងជាមួយការរីករាលដាលនៃជំងឺកូវីដ១៩។

ជាមួយស្មារតីនេះ ក្រុមគ្រួសារ ស.ស.យ.ក. ប្តេជ្ញាគោរពតាមប្រសាសន៍ណែនាំរបស់សម្តេចអគ្គមហាសេនាបតីតេជោ ហ៊ុន សែន ថា «ក្នុងវេលានេះមិនមែនជាពេលទម្លាក់កំហុស ឬបន្ទោសគ្នានោះទេ តែជាពេលត្រូវរួមគ្នា សាមគ្គីដើម្បីប្រយុទ្ធជំងឺកូវីដ១៩»។

ក្រុមគ្រួសារ ស.ស.យ.ក. អំពាវនាវដល់បងប្អូនទាំងអស់គ្នា រក្សានូវភាពរឹងមាំ ជួយផ្តល់កម្លាំងចិត្តឲ្យគ្នាទៅវិញទៅមក ហើយត្រូវប្រកាន់ខ្ជាប់នូវគោលការណ៍សុវត្តិភាពរបស់ក្រសួងសុខាភិបាលឲ្យបានគ្រប់ជំហាន (លាងដៃ ពាក់ម៉ាស់ និងរក្សាគម្លាតសុវត្តិភាព)។ ទាំងអស់គ្នា រួមគ្នា យើងនឹងឆ្លងផុតគ្រាលំបាកនេះជាមួយគ្នា!៕