(ភ្នំពេញ)៖ ប្រធានាធិបតីសហរដ្ឋអាមេរិក លោក ដូណាល់ ត្រាំ ថ្វាយព្រះពរចំពោះព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងជូនប្រជាជនកម្ពុជា ក្នុងឱកាសខួបលើកទី៦៧ នៃទិវាបុណ្យឯករាជ្យជាតិកម្ពុជា។

ក្នុងសារថ្វាយព្រះពរនេះលោក ដូណាល់ ត្រាំ បានសរសេរថា តាងនាមឲ្យសហរដ្ឋអាមេរិក ខ្ញុំសូមសម្ដែងនូវ​អំណរ​សាទរជូនចំពោះព្រះរាជាណាចក្រកម្ពុជា ក្នុងឱកាសនៃទិវាបុណ្យឯករាជ្យជាតិកម្ពុជា ខួបលើកទី៦៧ថ្ងៃទី៩ ខែ​វិច្ឆិកា។

ប្រធានាធិបតីសហរដ្ឋអាមេរិក បានសរសេរបន្តថា”យើងនៅតែប្ដេជ្ញាចិត្តក្នុងការលើកកម្ពស់សន្តិភាព និងវិបុល​ភាព​ដើម្បីប្រជាជនកម្ពុជា។ ខ្ញុំសូមថ្វាយព្រះពរជូនចំពោះព្រះករុណា ព្រះមហាក្សត្រ និងប្រជាជនកម្ពុជាទាំងអស់ សូម​ឲ្យមានសុខភាពល្អបរិបូណ៌នាពេលអនាគត”៕