(ខេត្តកំពង់ឆ្នាំង)៖ ប្រតិភូរាជរដ្ឋាភិបាល ដែលបានអញ្ជើញត្រួតពិនិត្យការសាងសង់ហេដ្ឋារចនាសម្ព័ន្ធ នៅមជ្ឈមណ្ឌលហ្វឹកហ្វឺន កងរាជអាវុធហត្ថ ភ្នំជម្រាយ នាព្រឹកថ្ងៃទី២៦ ខែតុលា ឆ្នាំ២០២០ រួមមាន៖ ឯកឧត្តម រង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការ ប្រចាំការ ក្រសួងសេដ្ឋកិច្ច និងហិរញ្ញវត្ថុ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គិសនីកម្ពុជា ព្រមទាំងលោក ឧកញ៉ា លី ហួរ ប្រធានសមាគមអ្នកភិវឌ្ឍន៍លំនៅឋានកម្ពុជា។

មជ្ឈមណ្ឌលហ្វឹកហ្វឺន កងរាជអាវុធហត្ថ ភ្នំជម្រាយ ស្ថិតនៅឃុំស្វាយជប់ ស្រុកសាមគ្គីមានជ័យ ខេត្តកំពង់ឆ្នាំង។ មជ្ឈមណ្ឌលនេះ ត្រូវបានសាងសង់ឡើងក្រោមការដឹកនាំផ្ទាល់របស់ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជរាជអាវុធហត្ថ លើផ្ទៃប្រទេស ដើម្បីប្រែក្លាយជាទីកន្លែងហ្វឹកហ្វឺនកម្លាំងកងរាជអាវុធហត្ថ និងកងទ័ពជើងគោក និងដើម្បីត្រៀមរៀបចំនូវការប្រកួតកីឡាកងទ័ពជើងគោក សម្រាប់ស៊ីហ្គេម ដែលកម្ពុជា ជាម្ចាស់ផ្ទះ នៅឆ្នាំ២០២៤ ផងដែរ៕