(ភ្នំពេញ)៖ ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់តែងតាំងរដ្ឋលេខាធិការ ៣រូប និងអនុរដ្ឋលេខាធិការ ៤រូប នៅក្រសួងប្រៃសណីយ៍ និងទូរគមនាគមន៍ ព្រមទាំងតែងតាំង និងផ្តល់ឋានៈជាប្រធាន និងសមាជិកនិយ័តករទូរគមនាគមន៍កម្ពុជា ២រូប។
ព្រះរាជក្រឹត្យ ចុះថ្ងៃទី១៦ ខែវិច្ឆិកា ឆ្នាំ២០២០ បង្ហាញថា តែងតាំងមុខតំណែង ជារដ្ឋលេខាធិការ និងជាអនុរដ្ឋលេខាធិការ នៃក្រសួងប្រៃសណីយ៍ និងទូរគមនាគមន៍ ០៧រូប រួមមាន៖ ១-ឯកឧត្តម ម៉ូវ ចរិយា ជារដ្ឋលេខាធិការ ២-ឯកឧត្តម ជុន វ៉ាត ជារដ្ឋលេខាធិការ ៣-ឯកឧត្តម យ៉ិនទៀង ពុទ្ធិរ៉ា ជារដ្ឋលេខាធិការ ៤-ឯកឧត្តម ញ៉ឹក កោសល្យវិទ្យា ជាអនុរដ្ឋលេខាធិការ ៥-ឯកឧត្តម លឹម វុទ្ធី ជាអនុរដ្ឋលេខាធិការ ៦-ឯកឧត្តម ស៊ា ណារ៉េត ជាអនុរដ្ឋលេខាធិការ និង៧-ឯកឧត្តម ទូច យ៉ារ៉ាន់ឌី ជាអនុរដ្ឋលេខាធិការ។
ចំណែកការតែងតាំង និងផ្តល់ឋានៈជាប្រធាន និងសមាជិកនិយ័តករទូរគមនាគមន៍កម្ពុជា ២រូប រួមមាន៖ ១-ឯកឧត្តម ថោង ចិន្តា ជាប្រធាន មានឋានៈស្មើ រដ្ឋលេខាធិការ និង២-ឯកឧត្តម ស្រ៊ុន គឹមសាន ជាសមាជិក មានឋានៈស្មើ អនុរដ្ឋលេខាធិការ៕
