(បាងកក)៖ ឯកឧត្តម ភីធើ ស៊ីចាតូ (Péter Szijjártó) រដ្ឋមន្រ្តីការបរទេស និងពាណិជ្ជកម្ម នៃប្រទេសហុងគ្រីបានបញ្ជាក់ថា លោកបានកំពុងធ្វើដំណើរចេញពីប្រទេសថៃ ត្រឡប់ទៅប្រទេសរបស់ខ្លួនហើយ។ រាល់កម្មវិធីជួបជាមួយមេដឹកនាំថៃក៏ត្រូវលុបចោលទាំងអស់។

ឯកឧត្តម ភីធើ ស៊ីចាតូ (Péter Szijjártó) រដ្ឋមន្រ្តីការបរទេស និងពាណិជ្ជកម្ម ប្រទេសហុងគ្រី ត្រូវបានរកឃើញថា ឆ្លងជំងឺកូវីដ១៩ ពេលទៅដល់ទីក្រុងបាងកក ប្រទេសថៃ។ សារនៅលើបណ្តាញសង្គម Twitter លោកបានសរសេរដូច្នេះថា៖ «មិត្តរួមការងារជាទីស្រឡាញ់ អរគុណចំពោះការទាក់ទង និងសាររបស់អ្នក។ សង្ឃឹមថានឹងបាននៅជាមួយអ្នកឆាប់ៗនេះ!»។

លោកបន្តថា៖ «សូមអរគុណចំពោះសារសំរាប់ការព្រួយបារម្មណ៍ និងការបួងសួង។ ខ្ញុំចង់និយាយថា ខ្ញុំមិនចង់ឲ្យកើតស្ថានភាពនេះសម្រាប់នរណាម្នាក់ទេ។ ខ្ញុំសង្ឃឹមថា វានឹងមិនមានរយៈពេលយូរជាង១០ថ្ងៃទេ...។ អាជ្ញាធរថៃមានការប្រុងប្រយ័ត្នខ្ពស់ថែរក្សាខ្ញុំ, រដ្ឋមន្រ្តីក្រសួងសុខាភិបាល បានមកជួបខ្ញុំនៅក្នុងមន្ទីរពេទ្យ ហើយបានយល់ព្រមយល់ព្រមធ្វើដំណើរទៅផ្ទះ។ ដូច្នេះខ្ញុំកំពុងធ្វើដំណើរទៅអាកាសយានដ្ឋាន និងអាចហោះហើរបាននៅថ្ងៃនេះ»៕