(កំពង់ឆ្នាំង)៖ លោក ចេង ចាន់ដូណា អភិបាលរងស្រុកកំពង់លែង កាលពីថ្ងៃទី១៤ ខែធ្នូ ឆ្នាំ២០២០ បានដឹកនាំកម្លាំងចម្រុះចំនួន ២៩នាក់ ចុះបង្រ្កាបបទល្មើសនេសាទរុះរើ (របាំងសាច់អួន) នៅក្នុងដែនអភិរក្សឡូត៍លេខ១០ ចំណុចដៃដុំរទះ ក្នុងភូមិសាស្ត្រឃុំសំរោងសែន ចំណុចជើងគ្រួស ក្នុងស្រុកកំពង់លែង ខេត្តកំពង់ឆ្នាំង។

ជាលទ្ធផលក្នុងការចុះបង្រ្កាបរួមមាន៖ របាំងសាច់អួនចំនួន ០៦កន្លែង ប្រវែង ៦០០ម៉ែត្រ, លូសាច់អួន ០៨មាត់, បង្គោល ៣០០ដើម និងបានលែងត្រីចម្រុះចំនួន ៥០គីឡូក្រាម ចូលក្នុងទន្លេ រីឯឧបករណ៍បង្រ្កាបត្រូវបានរក្សាទុកដើម្បីអនុវត្តតាមនិតិវិធី។ ក្នុងការចុះប្រតិបត្តិការនោះ ដោយប្រើប្រាស់មធ្យោបាយបាឡាស្មាច់ ចំនួន ០៩គ្រឿង៕