(ភ្នំពេញ)៖ លោកឧកញ៉ា លី ហួរ អគ្គនាយកក្រុមហ៊ុន លី ហួរ គ្រុប បានអបអរសាទរឯកឧត្តម ឡឹម តារា ដែលទទួលបានការតែងតាំងពីព្រះមហាក្សត្រ ជា​សមា​ជិកគណៈប្រឹក្សាយោបល់វិទ្យាសាស្ត្រ បច្ចេកវិទ្យា និងនវានុវត្តន៍របស់ក្រុមប្រឹក្សាជាតិវិទ្យាសាស្ត្រ បច្ចេកវិទ្យា និងនវានុវត្តន៍ មានឋានៈស្មើ រដ្ឋលេខាធិការ។

ការទទួលបានមុខងារបន្ថែមតែងតាំងដោយព្រះមហាក្សត្រ នាពេលនេះ ជាមហាកិត្តិយសដ៏ឧត្ដុង្គឧត្ដមចំពោះស្នាដៃរបស់ឯកឧត្តម ឡឹម តារា ដែលបានខិតខំបំពេញតួនាទីបានយ៉ាងល្អប្រសើរ។

ទន្ទឹមនឹងនេះ លោកឧកញ៉ា លី ហួរ បានជូនពរឯកឧត្តម ឡឹម តារា ព្រមទាំងក្រុមគ្រួសារ មានសុខភាពល្អបរិបូរណ៍ កម្លាំងពលំមាំមួន ប្រាជ្ញាឈ្លាសវៃ ជោគ​ជ័យគ្រប់ភារកិច្ច និងទទួលបាននូវជោគជ័យថ្មីៗថែមទៀត៕