(ភ្នំពេញ)៖ នា​រសៀល​ថ្ងៃទី​១០ ខែឆ្នូ​ ឆ្នាំ​២០២០​ សម្តេច​ព្រះ​មហា​ក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មាតា​ជាតិ​ខ្មែរ​ ក្នុង​សេរីភាព​ សេចក្ដី​ថ្លៃថ្នូរ​ និង​សុភមង្គល​ ជា​ទី​គោរព​សក្ការៈ​ដ៏​ខ្ពង់ខ្ពស់​បំផុត​ ព្រះ​អង្គ​សព្វ​ព្រះ​រាជ​ហឫទ័យ​ត្រាស់បង្គាប់​ សម្តេច​រាជបុត្រី​ព្រះ​អនុជ​ នរោត្តម​ អរុណ​រស្មី​ ឧត្តម​ប្រឹក្សា​ផ្ទាល់​ព្រះមហាក្សត្រ​​ យាង​នាំ​យក​នូវ​ព្រះរាជ​ទ្រព្យ​ដ៏​ថ្លៃថ្លា​ ចំនួន​ ៥,០០០​ ដុល្លារ​សហរដ្ឋអាមេរិក​ ថ្វាយ​ សម្តេចព្រះធម្មលិខិត សៅរ៍ ចន្ទថុល្ល ព្រះចៅអធិការវត្តលង្កាព្រះកុសុមារាម ដើម្បីកសាងព្រះបរមបុស្បុកតម្កល់ព្រះអដ្ឋិ ព្រះករុណា ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត តម្កល់ក្នុងព្រះវិហារ សម្រាប់បើកជូនជាសាធារណៈដល់កូនចៅប្រជានុរាស្រ្តកម្ពុជា គោរពបូជា នាវត្តលង្កាព្រះកុសុមរាម៕