(កំពង់ចាម)៖ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅមុននេះ​បន្តិចនា​យ​ប់​​ថ្ងៃ​ទី២ ខែធ្នូ ឆ្នាំ២០២០នេះ បានឲ្យដឹង ថា យោងតាមលទ្ធផលពីវិទ្យាស្ថានជាតិប៉ាស្ទ័​រ ការពិនិត្យលើសំណា​កប្រជាពលរដ្ឋ ដែលពាក់ព័ន្ធព្រឹត្តិការណ៍សហគមន៍២៨វិច្ឆិកា​ នៅស្រុកចំការលើ​ ស្រុកព្រៃឈរ ក្រុងកំពង់ចាម​ និងស្រុកជើងព្រៃ ដែលពាក់ព័ន្ធដោយប្រយោល​ និងប្រជាពលរដ្ឋនៅស្រុកព្រៃឈរចំនួន៨នាក់ ដែលពាក់ព័ន្ធដោយផ្ទាល់ គឺទទួលលទ្ធផលអវិជ្ជមានកូវីដ-១៩ទាំងអស់។

យ៉ាងណាក៏ដោយឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអំពាវនាវដល់ប្រជាពលរដ្ឋ​បន្តប្រុងប្រយ័ត្ន​ និងការពារខ្លួនគ្រប់ពេលវេលាកុំឲ្យឆ្លងជំងឺកូវីដ-១៩​៕