(ប៉េកាំង)៖ ក្រសួងការបរទេសចិន បានប្រកាសកាលពីថ្ងៃពុធថាសមាជិកក្រុមប្រឹក្សារដ្ឋនិងជារដ្ឋមន្រ្តីក្រសួងការបរទេស លោក វ៉ាង យី នឹងតំណាងប្រធានាធិបតីចិនលោក ស៊ី ជីនពីង ចូលរួមសម័យប្រជុំពិសេសនៃមហាសន្និបាតអង្គការសហប្រជាជាតិដើម្បីឆ្លើយតបនឹងការរីករាលដាលនៃជំងឺកូវីដ-១៩។

លោក វ៉ាង យី នឹងចូលរួមការជជែកដេញដោលទូទៅនៃសម័យប្រជុំពិសេសនិងថ្លែងសុន្ទរកថាតាមរយៈតំណភ្ជាប់វីដេអូ។ មហាសន្និបាតអង្គការសហប្រជាជាតិ ដែលមានរយៈពេល២ថ្ងៃ នឹងផ្តល់ឱកាសដល់អ្នកពាក់ព័ន្ធជាច្រើនក្នុងការចែករំលែកបទពិសោធន៍របស់ពួកគេក្នុងការប្រយុទ្ធប្រឆាំងនឹងរោគរាតត្បាត។ 

ជំងឺ Covid-19 ត្រូវបានអង្គការសហប្រជាជាតិ ថាជាវិបត្តិសេដ្ឋកិច្ចសកលដ៏ធំបំផុត បានឆ្លងដល់មនុស្សជាង ៦៤ លាននាក់ និងបានសម្លាប់មនុស្សជាង ១,៤ លាននាក់ នេះបើយោងតាមទិន្នន័យចុងក្រោយបង្អស់ពីសាកលវិទ្យាល័យចនស៍ហបគីនស៍៕